கனவுச் சிதறல்கள்

அந்தி மயங்கிய நேரத்தில்
அழகான ஓர் வனத்தில்
அருமையான ஓர் இசையில்
அசந்திட்டேன் மெல்ல

அறிவு தெளிந்து செல்ல - நேரம்
ஆகித்தான் போனதே - நீண்ட
நேரம் ஆகித்தான் போனதே
கனவும் கலைந்துதான் போனதே

தென்றலோடு கலந்து வந்த
உன் இன்னிசை என்னை தீண்டி
என் மதியை ஆட்கொண்டதே
நான் என் செய்வேன்

தெள்ளு தமிழ் துள்ள
இசைக்கும் உன் இசைக்கு
நான் என்றென்றும் அடிமை
என்னை மறந்தனையோ

அன்பின் அடிமையான என்னை
ஓடுகிற நீரிலே கரைத்து விட்டனையோ
உன் சித்தம் என்றோ என் பக்கம்
காத்திருக்கிறேன் காண குயிலே அருள் தாராயோ

இசைக்கு ஒரு அரசி
அது நீ என்பேன்
என் இதய
தோட்டத்திற்கும் ஓர் அரசி
அதுவும் நீ என்பேன்

காலம் நம் பிரிவை
ஏற்று கொண்டதோ
ஆனால் நான் ஏற்க
மறுத்தேன் அதை
நீ ஏற்க மறந்தாயே!!