நசரேயன் அவர்களா இப்படி சொன்னது !!

இல்லே இல்லே அப்படி சொன்னது நசரேயன் இல்லே !!

நமது நண்பர் திரு.நசரேயன் அவர்கள் சொந்த ஊருக்கு வராராமாம். அதுக்கு விடுப்பு கேட்கப்போய் இருக்காரு. நசரேயன் மேலிடம் தற்சமயம் வேலை அதிகமா இருக்கு, இந்த நேரம் பார்த்து பொறுப்பில்லாமல் விடுப்பு கேட்கறீங்களே! இது நியாமா?? என்று பெரிய தலையின் காரியதரிசி மஞ்சள் அழகி கேட்டு இருக்கிறார்கள். அதற்கு நம் நசரேயன் தலை இருக்கும் போது வால் ஆடக்கூடாது. என்று சற்று கோவமா சொல்லி இருக்காரு.

எனக்கு ரம்யா! ரம்யான்னு ஒரு தோழி இருக்காங்க. அவங்க பாருங்க எவ்வளவு சமத்தா பதிவு எல்லாம் எழுதறாங்க. நீங்க என்னடான்னா எப்ப பார்த்தாலும் பாஸ் பின்னாடியே சுத்திகிட்டு, அவரு சொன்னது பாதி, நீங்க சொல்லறது பாதின்னு பீலாவா விடறீங்க என்று நண்பர் தமிழில் கேட்க, அதற்கு அந்த மஞ்சள் அழகி நண்பர் என்ன பேசினாருன்னு புரியாமால் ஏதோ திட்டராருன்னு நினைச்சிகிட்டு, என்ன சொல்லறீங்க இப்போ என்று ஆங்கிலத்தில் கோவமாக கேக்க, அதற்குள் அங்கு வந்த M.D. என்ன பிரச்சனை நசரேயன் என்று கேட்க, நம்ம நண்பர், ஹி ஹி ஒன்றும் இல்லை வரச்சொல்லி என்னை மிரட்டறாங்கன்னு சொல்ல, அதற்கு M.D. அவங்க அந்த மாதிரி எல்லாம் சொல்ல மாட்டங்க.

உங்களுக்கு என்ன பிரச்சனை என்று கேட்க, இல்லைங்க சார், நான் பேசாம என் கம்ப்யூட்டர் முன்னாடிதான் உக்காந்து இருந்தேன், இவங்கதான் என்னை கூப்பிட்டு திட்டறாங்க சார், அதற்கு M.D. அப்படி எல்லாம் அவங்க திட்ட மாட்டங்க. நான் தான் உங்களை வரச்சொல்லி சொன்னேன்.அதுக்கு போயி அவங்களை தெரியாத பாஷையிலே பேசறீங்க. நீங்க தான் ஆங்கிலத்தில் நல்ல புலமை பெற்றவர் ஆயிற்றே என்று கேட்டார். மனசுக்குள்ளே அந்த M.D.ஐ திட்டிகிட்டு,எச்சூச்மீ நான் வந்து, இல்லே ஊருக்கு போய், இல்லே லீவு வேணும். (அப்பாடா ஒரு வழியா லீவு கேட்டுடோம். சரி குடுப்பாரா இல்லையா?? பாப்போம்.)

M.D. சொன்னாரு, ஓகே ஒன்லி ரெண்டு வாரம்தான், அதுக்கு மேலே அங்கே போய் லீவு தொடர்ந்தால் நான் என்ன செய்வேன்னு எனக்கே தெரியாது. அப்படின்னும் கோவமா சொல்லிட்டாரு. அப்பா உடனே இடத்தை காலி பண்ணிடலாம்னு வெளியே ஓடி வந்தாரு. வெளியே இருக்கவங்களுக்கு ஒன்னும் புரியலை. இவ்வளவு நேரம் நசரேயன் என்ன உள்ளே பேசிக்கிட்டு இருந்தாருன்னு ஒரே குழப்பம்ஸ். கேள்வியோட அவரை பார்த்தாங்க. ஆனா நம்ம நண்பர் யாரு கிட்டேயும் பேசலை. உடனே கைபேசி எடுத்து தங்ஸ்க்கு அம்மா தாயே துணி மணி எல்லாம் கட்டி வை.

எங்க அலுவலகத்திலே லீவு கொடுத்திட்டாங்க, மறக்காம எங்க வீட்டுக்கு வாங்கின பொருட்கள் எல்லாம் பத்திரமா எடுத்து வை. அப்புறம் மறந்துட்டேன்னு சொல்ல கூடாது என்று பட படன்னு சொல்லிட்டாரு. கொஞ்சம் வேகமா பேசிட்டோமோன்னு ஒரு சந்தேகம் வேறே.

சரி சாயங்காலமாத்தானே வீட்டுக்கு போகப் போறோம். அப்போ சமாளிச்சுக்கலாம். அப்படின்னு ஒரு பெரு மூச்சு விட்டுட்டு, சரி இப்போ என்ன செய்யலாம், இந்த ரம்யாவோட பதிவை படிக்கலாமா? வேண்டாமா? அப்படீன்னு ஒரே குழப்பம், ஏன்னா படிக்க ஆரம்பிக்கும்போதே, M.D. ரூமிற்கு போகவேண்டியதா போய்டுச்சு, அதான் ஒரே யோசனையா இருக்குதுன்னு உள்ளேயே பேசிகிட்டாரு.

நண்பர்களே! நீங்க எல்லாம் நம் நண்பர்க்கு சொல்லுங்க, நம்ப ரம்யா பதிவை படிச்சதனாலேதான் உங்களுக்கு ரெண்டு வாரம் லீவு கிடைச்சுது. இந்த வெவரத்தை நல்லா எடுத்து சொல்லுங்கப்புங்களா!!

பின்குறிப்பு

===========

ஊட்டிக்கு போகாலாம்னு எல்லாரும் சொன்னவுடனே, சரி எல்லாரும் ரயில்லே போகலாம் ஒரே ஜாலியா இருக்கும்னு முடிவு பண்ணின அடுத்த நிமிடம் டிக்கெட் முன்பதிவு பண்ண போனோமா, அவங்க ஒரு பேப்பரை கொடுத்து, அதுலே உங்களைப் பற்றி விளக்கமா எழுதுங்கன்னு சொன்னாங்களா?? இப்படி வெவரம் கேக்கறாங்கப்பா, இப்போ நான் என்ன செய்யனும்னு நசரேயன் அவர்களை போன் போட்டு கேட்டேன் , அதுக்கு நசரேயன், இல்லே ரம்யா உங்க வெவரம் எழுதி கொடுத்த உடனே உங்களுக்கு ஊட்டி போக டிக்கெட் கொடுத்திடுவாங்க. நான் அப்படிதான் டிக்கெட் முன் பதிவு பண்ணிட்டு அடிக்கடி ஊருக்கெல்லாம் போவேன் அப்படீன்னு விளக்கம் சொன்னாரு.

அதே போல அங்கே டிக்கெட் எங்கே கொடுப்பாங்கன்னு கேட்டேன், அதுக்கு அங்கே இருந்தவரு ஒருவர் சொன்னாரு, உங்களோட வர்றவங்க வெவரம், மற்றும் உங்க வெவரமும் எழுதி கொடுத்தா! ஊட்டிக்கு போக டிக்கெட் கொடுப்பாங்கன்னு சொல்லி என் கிட்டே ஒரு பேப்பரை கொடுத்தாரு. பரவா இல்லையே நம்ப நசரேயன் ரொம்ப விவரமான ஆளுதான். சரியாதான் நமக்கு சொல்லி கொடுத்திருக்காருன்னு எனக்கு நானே மனதுக்குள்ளே நசரேயனுக்கு ஒரு சபாஷ் போட்டுகிட்டேன்.

நானும் என்னைப்பற்றியும், என் கூட வரவங்களைப் பற்றியும் எழுதி கொடுத்துட்டு ஊட்டிக்கு போக டிக்கெட் கொடுங்கன்னு கேட்டேன். நீங்க முன்பதிவு பண்ணின டிக்கெட்டுக்கு இவ்வளவு பணம் தரனும், பணமும் சரியான சில்லரையும் குடுத்துடுங்கன்னு சொன்னாங்க. நான் சொன்னேன் இதில் உள்ள கேள்விகளுக்கு விடை எழுதினால் போதும் டிக்கெட் கொடுத்திடுவாங்கன்னு நசரேயன் சொன்னாதா சொன்னேன். அதுக்கு அந்த ரயில்வே அதிகாரிங்க யாருங்க அந்த நசரேயன்! லாலுக்கு வேண்டியவரா இல்லே லாலுவோட மறு பெயரா?? அப்படீன்னு கேட்டாங்க??, இல்லேம்மா மரியாதையா பணத்தைக் கொடுத்திட்டு டிக்கெட்டை வாங்கி கிட்டு போங்க, இல்லேன்னா இடத்தை காலி பண்ணிடுங்கன்னு சொன்னாங்க.

நான் வாங்கின சம்பளத்தை என்னோட மணிபர்சிலே வச்சி, மனிபர்சோட ஜிப்பை மூடி பத்திரமா வச்சிருந்து, அப்புறமா நான் என்னோட மணிபர்சை திறந்து அதுக்குள்ளே இருந்த என்னோட பணத்தை எடுத்துக் கொடுத்து டிக்கெட் வாங்கி ஊட்டி போயிட்டு வந்தேனாக்கும். ஆனா இந்த நண்பர் நசரேயன் என்னா சொன்னாருன்னா ஓசியிலே ஊட்டிக்கு போன ரம்யா.

இங்கே ஒரு உள்குத்து வச்சிருக்காரு, பாருங்க, ஐயா பாருங்க, அம்மா பாருங்க, அண்ணா பாருங்க, தம்பி பாருங்க, அக்கா பாருங்க, தங்கச்சிங்களா பாருங்க, இப்போ என்ன செய்யலாம்னு எல்லாருமா என்னா முடிவெடுத்திருக்கீங்க??

நல்லா கேட்டுக்கங்க, என் பணத்தை கொடுத்து டிக்கெட் வாங்கி நான் ரயில் ஏறி ஊட்டி போனேன். இதுதாங்க நடந்த கதை.