ஜில்லென்று ஒரு காதல்!!

காத்திருக்கின்றேன் உனக்காக! வந்துவிடு விரைவில் !!



அறிமுகம் சற்றே தெளிந்த முகம்
=============================
கதாநாயகன்: ராஜா
கதாநாயகி: காஜோல்

கடற்கரை ஆரவாரமாக ஆர்ப்பரித்துக் கொண்டிருந்தது.

காதலர்கள் நின்றுகொண்டும், தனிமையாக அமர்ந்து பேசிக் கொண்டும், கடல் நீரில் விளையாடிக் கொண்டும் இருந்தனர்.

கடல் நீர் வந்து கால்களை நனைத்து விட்டு ஓடுவது பார்க்க, அனுபவிக்க மிகவும் அருமையான ரசனை மிக்க சுகமான ஒரு விருந்து. வந்து கொண்டிருந்த அலைகளின் எண்ணிக்கைதான் நம் கதாநாயகிக்கு மனப்பாடம் ஆகிவிட்டிருந்தது.

யாரு அனுப்பிய இந்த அலைகள்?நம்மை வந்து வருடுகிறதே. நினைக்கவே சுகமா இருக்கே!நம் காதலன் வந்தாலாவது இரெண்டு பேரும் சேர்ந்து அலைகளில் கால்களை நனைக்கலாம். பாத்து,பாத்து என் கண்கள் தான் பூத்து போய்ட்டது. ஆளையும் காணோம், தேளையும் காணோம். சரி அலைகளின் ஆர்ப்பரிப்பை ரசிக்க கிடைத்த நேரமாக நினைக்கின்றேன் இந்த நேரத்தை. ஆனாலும் அவன் வரட்டும்!!

ஆனால், அவள் யாருக்காக காத்திருந்தாளோ அவனின் வருகையோ தாமதமாகிக் கொண்டிருந்தது. அலுப்பு சலிப்பின் உச்சக் கட்டத்தில் கைக் கடிகாரத்தை பார்த்தவாறு தனியாக அமர்ந்திருந்தாள்.

காஜோல்: ரொம்ப நேரமா இங்கேயே நின்னுகிட்டு இருக்கோமே.

சுண்டல் விற்கும் தம்பிவேறு, எப்படியாவது அந்த அக்காவிடம் சுண்டல் விற்று விட வேண்டும் என்று பிடிவாதமாக அவன் மனது கூறியது. அதனால் அச்சிறுவன் சிறிதும் மனம் தளராது அக்கா அக்கா சுண்டல் என்று சுற்றிச் சுற்றி வந்து கொண்டிருந்தான்.

காஜோல்: உச்சகட்ட கோபத்தில் அமர்ந்திருந்ததால் முழு கோபத்தின் வீச்சையும் அச்சிறுவன் மீது காட்டினாள். அவனை அடிக்காத குறைதான்.திடீரென்று எதிர் திசையில் தன் காதலன் ஓடி வருவது தெரிந்தது. அவன்தான் என்று உறுதி செய்து கொண்டாள். வரட்டும் எவ்வளவு நேரமா இங்கே உக்காந்து இருக்கோம். இவனுக்கு நல்லா தண்ணி காட்டனும். "வாடா வா மவனே மாட்டுனே என் கிட்டே" என்று கருவிக் கொண்டிருந்தாள்.

ராஜா:ஓடி வந்தவன் அவளின் அருகே விழுந்தான். அவ்வளவு வேகமா ஓடி வந்ததை உணர்த்தத்தான் அப்படி ஒரு நடிப்பு.

காஜோல்: யாருப்பா நீ, ஏன் இங்கே வந்து விழரே, போய் கடல்லே விழு, அங்கே போயி விழுந்தாலும் யாராவது உன்னைய காப்பாத்துவாங்க.

ராஜா: ஏய் என்னாப்பா ரொம்ப கோவமா? ஒரு மாதிரி பேசறே? நான் எவ்வளவு வேகமா ஓடி வந்தேன் தெரியுமா?? கொஞ்சம் கூட மனசாட்சி இல்லாமே பேசறே ?

காஜோல்: டேய் ரொம்ப பேசாதே, எனக்கு வர்ற கோவத்துலே அப்படியே உன் கழுத்தை நெரிச்சுடுவேன். நீ பேசாதே என் கிட்டே.

ராஜா: இங்கே பாரும்மா நான் ஒன்னும் உன்னைய காக்க வைக்கனும்னு கங்கணம் கட்டிக்கிட்டு இல்லே, ரொம்ப கஷ்டப்பட்டுதான் வந்திருக்கேன்.

காஜோல்: நீ என் கிட்டே பேசாதே, ஆமா சொல்லிட்டேன், நீ என் கிட்டே பேசாதே.

ராஜா: ஆமா, நான் வந்ததில் இருந்தே உன்னைய கவனிக்கறேன், நீ ஏன் சொன்னதையே திருப்பி, திருப்பி சொல்லிகிட்டே இருக்கே ? உனக்கு ஏதாவது உடம்பு சரி இல்லையா?? டாக்டர் கிட்டே போகலாமா??

காஜோல்: டேய் என்ன என்னை லூசுன்னு சொல்லறியா?? நீ தாமதமா வந்ததும் இல்லாமே என்ன பேசிகிட்டு இருக்கே!!இப்படி எல்லாம் பேசினா எல்லாம் சரியா போய்டுமா?

ராஜா: இங்கே பாரு நான் அப்பவே சொல்லிட்டேன், எனக்கு பல பிரச்சனை, ரொம்ப கஷ்டப்பட்டுதான் இங்கே வந்திருக்கேன். அத மொதல்லே தெரிஞ்சிக்கோ.

காஜோல்: என்னா கஷ்டம்? நான் இங்கே எவ்வளவு நேரமா உக்காந்து இருக்கேன். எவ்வளவு பேரு போனாங்க!எவ்வளவு பேரு இப்போ இருக்காங்கன்னு எனக்கு தெரியும். அந்த அளவுக்கு நான் இங்கே உக்காந்து இருக்கேன்.

ராஜா: நீ ஏனம்மா இதெல்லாம் கணக்கு எடுக்கறே?? வந்தா வந்த வேலையை மட்டும் தான் பார்க்கணும்.

காஜோல்: வேணாம்!! எனக்கு வெறியே வருது, அப்புறம் என்ன செய்வேன்னு எனக்கே தெரியாது.

ராஜா: என்ன செய்வேன்னு உனக்கே தெரியாதுதானே, அதுக்கு ஏன் இப்படி கண்ணை எல்லாம் பெரிசாக்கிட்டு, மூஞ்சியை கோணிகிட்டு கத்தறே? சாதரணமா சொல்லேன்.

காஜோல்: என்னா நான் கத்தறேனா? நானோ ரொம்ப மன அழுத்ததோட உக்காந்திருக்கேன். கொஞ்சம் கூட என்னான்னு அத யோசிக்காம, என்னையே நீங்க கிண்டல் பண்ணறீங்களா??

ராஜா: இல்லேம்மா நீ எங்கே என்னைய பேச விட்டே? என்னை பார்த்ததுமே தான் ஆரம்பிச்சிட்டியே? சரி சரி, சொல்லு என்ன பிரச்சனை உனக்கு??

காஜோல்: எங்கப்பா எனக்கு மாப்பிள்ளை பாக்க ஆரம்பிச்சுட்டாரு. அதை சொல்லத்தான் இங்கே உங்களை வரச்சொன்னேன்.

ராஜா: நல்ல விஷயம் தானே, அதை போயி ஏன் எப்படி மூஞ்சியை தூக்கி வச்சிக்கிட்டு சொல்லறே?

காஜோல்: வேணாம் என்னை கொலை பண்ண வச்சிடாதீங்க. நான் ரொம்ப கோபமா இருக்கேன். ஆமா சொல்லிட்டேன். இது உங்களுக்கு நல்லதே இல்லை.

ராஜா: சரி சரி வெவரம் சொல்லு. மாப்பிள்ளை எந்த ஊரு, என்ன படிச்சிருக்காரு, எங்கே வேலைப் பாக்கறாரு. எல்லா வெவரமும் கொஞ்சம் சொல்லு.

காஜோல்: இப்போ நீங்க என்ன கேள்வி கேக்கறீங்க? மாப்பிள்ளை பாக்க ஆரம்பிச்சுட்டாருன்னு தானே சொன்னேன். அதுக்குள்ளே மாப்பிள்ளை வெவெரம் கேக்கறீங்க. இது கொஞ்சம் அதிகமான கேள்வியா படலை உங்களுக்கு ??

ராஜா:இல்லேம்மா ஏதாவது குறிப்பிட்டு போட்டோ காட்டி இருந்தாருன்னா அவரு கிட்டேயே போயி பேசலாம்னு நினைச்சேன் அவ்வளவுதான்.

காஜோல்:அதெல்லாம் ஒன்னும் தேவை இல்லை. மொதல்லே நீங்க எங்க அப்பாவை தைரியமா வந்து பாருங்க. அப்புறம் மீதி எல்லாம் பேசிக்கலாம்.

ராஜா:என்னா உங்க அப்பாவை வந்து நான் பாக்கணுமா? சரியாபோச்சு, உங்க அப்பாவை பார்த்தாலே எனக்கு பயந்து வருது. அவரு மீசையும், போட்டுக்கற துணியும் ஒன்னும் சொல்லிக்கறமாதிரி இல்லையே.

காஜோல்: இங்கே பாருங்க இதெல்லாம் நல்லாவே இல்லை. நீங்கதான் என்னை சுத்தி சுத்தி வந்து காதல் அது இது என்றெல்லாம் கூறி என் மனதை மாற்றிவிட்டு. இப்போ எங்க அப்பாவை வந்து சந்திக்க மாட்டேன்ன்னு சொன்னா என்னா அர்த்தம்? இதெல்லாம் கொஞ்சம் கூட சரியா இல்லே. மரியாதையா நாளைக்கு சனிக்கிழமைதான். எங்கப்பா எங்கேயும் வெளியே போக மாட்டாரு. நீங்க வரீங்க.

ராஜா:ஏம்மா சனிக்கிழமைன்னா உங்கப்பா வெளியே போகமாட்டாரா? அதுசரி அவருக்கே சனியை பார்த்து பயமா? சரி சரி முட்டைகண்ணை போட்டுக்கிட்டு முழிக்காதே. நான் நாளைக்கு காலையிலே சரியா பத்து மணிக்கு வரேன். உங்கப்பனை ஒரே இடத்திலேயே இருக்கச் சொல்லு.

காஜோல்: இங்கே பாருங்க தேவை இல்லாமே எங்கப்பாவை மரியாதை இல்லாமே பேசாதீங்க, எனக்கு கெட்ட கோபம் வரும், எங்கப்பா கிட்டே கச்சிதமா நம்ம கதை மட்டும் பேசி முடிக்கணும் சரியா??

ராஜா:நீயே அசந்திடுவே பாரு, நான் பேசப்போற பேச்சுலே அவரு அந்த பையனையே உனக்கு முடிச்சுருவாரு.

காஜோல்:சரி, இதுக்கு மேலே நான் உங்கிட்டே பேசற மாதிரி இல்லே. நான் கிளம்பறேன். நான் இல்லாமல் போனாதான் என் அருமை உனக்கு தெரியும்.

ராஜா:சரி சரி, விடு ஏதோ விளையாட்டுக்கு சொன்னேன். அதே போயி தப்பா நினைச்சுட்டியே நாளைக்கு வரேன் திருமணத்தை பேசி முடிச்சுடலாம்.

தொடரும்....
ரம்யா