கிரிக்கெட் வீரார்களின் அதிரடி ஆட்டம் - பகுதி - 1

நம் வலை நண்பர்கள் திடீர் என்று தோன்றும் கிரிக்கெட் மைதானம்!!

பங்கேற்பவர்கள்
===========
கேப்டன்: டோணி
துணை கேப்டன்: ஜீவன்

இவர்களுடன் விளையாடுபவர்கள்
=======================

வால்பையன், நசரேயன், குடுகுடுப்பை, உருப்படாதது அணிமா, ஜமால், அப்பாவி முரு, லவ்டேல் மேடி, செய்யது, அண்ணன் வணங்காமுடி

அம்பயர்
=======
இராகவன்நைஜீரியா

எப்படியோ இன்னைக்கு அலுவலகத்திற்கு விடுப்பு கொடுத்தாச்சு. நம் தோழிகள் மிகவும் அருமையான தோழிகள். ஏன்னு கேளுங்க! என்னோட நீண்ட நாள் ஆசையான நேரில் கிரிக்கெட் காண்பது என்ற ஆசையை பூர்த்தி செய்து விட்டார்கள். பத்து பேருக்கு டிக்கெட் வாங்கிட்டாங்க. பத்திலே நானும் ஒன்னு. ஒரே சந்தோஷ அலைகள் ஆர்ப்பரிக்க எப்போடா மைதானத்துக்கு போவோம்னு ஒரே கற்பனை. ஒரு வழியா எல்லாரும் ஒரு இடத்திலே சந்தித்தோம். யாருமே தாமதமாக வரலை. ஏன்னா அந்த அளவிற்கு கிரிக்கெட் மோகம் எல்லாருக்கும். அதுவும் டிக்கெட் வாங்கி பார்க்கிறதுன்னா சும்மாவா?

ஒரு முக்கியமான விஷயம் எனக்கு கிரிகெட் ரொம்ப பிடிக்கும். ரூல்ஸ் எல்லாம் கேக்கப்பிடாது :))

ஒரு வழியா டிக்கெட் கிழித்து உள்ளே சென்று எங்கள் இருக்கையில் அமர்ந்தோம். கிரிக்கெட் மைதானத்தில் கூட்டம் நிரம்பி வழிந்து கொண்டிருந்தது. மைதானத்தில் எல்லாரும் கும்பலா நின்று கொண்டிருந்தார்கள். நம்மவர்கள் யார் யார் இருக்கிறார்கள் என்று ஆராய்ந்து ஒவ்வொருவர் பெயரையும் உச்சரிக்காலாம் என்று பார்த்தால்.. அட இது யாரு நம்ம ப்லாக் நண்பர்கள் எல்லாரும் இருக்காங்க.

நிஜம்மாவா!! இவங்க எல்லாம் நம்ம ப்லாக் நண்பர்கள்தானா!! என்று மறுபடியும் உறுதிப் படுத்திக் கொண்டேன்.

ஆமாம்!! ஜீவன், வால்பையன், நசரேயன், உருப்படாதது அணிமா, ஜமால், அப்பாவி முரு, லவ்டேல் மேடி, செய்யது, அண்ணன் வணங்காமுடி இவங்க எல்லார் கூடவும் நம்ப ராகவன் நைஜீரியா பேசிகிட்டு இருந்தார். அட இவரு இங்கே என்ன பண்றாரு? நாம எங்கே வந்திருக்கோம்? இவங்க எல்லாம் எப்படி ஒண்ணா இருக்காங்க? ஒவ்வொருவரும் ஒவ்வொரு ஊரிலே வேலை செய்யறாங்க. இங்கே எப்படி!! ஒண்ணும் புரியலையே! எப்பவுமே அப்படிதான் ஒண்ணுமே புரியாது. புரிஞ்சாதான் அதிசயம் போங்க.

சரி, என்ன நடக்குதுன்னு பார்க்கலாம். ஆனா பாருங்க இவங்க மட்டும் எல்லாரும் ஒண்ணா வந்திருக்காங்க; என்கிட்டே ஒரு வார்த்தை கூட சொல்லலை. ம்ம்ம் மனதில் ஒரே கோவமா வந்திச்சு. எழுந்து மைதானத்தை நோக்கி ஓட ஆரம்பித்தேன். ஏம்மா இப்படி குறுக்காலே ஓடறே, அவங்க விளையாட ஆரம்பிக்கப் போறங்கன்னு சொல்லிக் கொண்டே அங்கே இருந்த காவலாளிங்க என்னை தொடர்ந்து ஓடி வந்தாங்க. அவங்க கைக்கு நான் சிக்கவே இல்லே. ஒரே ஓட்டாமா ஓடிட்டேன். யார் சொல்லியும் கேட்கலை. ஒரு வழியா ராகவன் அண்ணா கிட்டே போய் நின்னுட்டேன். அண்ணா எப்ப வந்தீங்க? இவங்க எல்லாம் எப்போ வந்தாங்க? ஏன் இங்கே வந்து நின்னுகிட்டு இருக்கீங்க? எல்லாரும் ஏன் இந்திய அணியினர் அணிந்திருக்கும் சீருடை போட்டிருக்காங்க?

ஏம்மா இவ்வளவு வேகமா பேசறே? இரு இரு நான் எல்லாம் உனக்கு சொல்றேன். ஆனா இப்போ அதுக்கு நேரம் இல்லே. விளையாட்டு ஆரம்பமாகப் போகுது. நீ மொதல்லே உன்னோட இடத்திலே போய் உக்காரு. விளையாட்டு முடிஞ்சவுடனே பேசுவோம். போம்மா! என்று என்னை அனுப்பவதிலேயே குறியா இருந்தார்.

பக்கத்திலே நின்னு விவாதம் செய்து கொண்டிருந்த அண்ணன் வணங்காமுடி ரம்யாக்கா நாங்களே குழப்பத்துலே இருக்கோம். எந்த முடிவுக்கும் வரமுடியலை. யாரு என்ன விளையாடப் போறோம்னு தெரியலை. அதுனாலே அப்புறமா நாங்க சொல்றோம் இப்போ நீங்க கிளம்புங்கக்கா.

இல்லே அண்ணன் வணங்காமுடி! யாரு சொல்லி நீங்க எல்லோரும் விளையாடப்போறீங்க? ஒரே புரியாத புதிரா இருக்கே!

ஐயோ ரம்யாக்கா எல்லாரும் வரதுக்குள்ளே போய்டுங்க என்று சற்றே அழுத்தமாக கூறினாரு அண்ணன் வணங்காமுடி.

பக்கத்துலே நண்பர் ஜீவன் நின்னுகிட்டு இருந்தாரு. அதெல்லாம் சரி நீங்க எப்போ இங்கே வந்தீங்கன்னு நண்பர் ஜீவன் கிட்டே கேட்டேன். அதுக்கு நண்பர் ஜீவன் ரம்யா அது ஒரு பெரிய கதை இப்போ சொல்ல முடியாது, நீங்க போய் உங்க இடத்திலே உக்காருங்க. இப்போ விளையாட்டு ஆரம்பம் ஆகப்போகுது என்றார்.

அருகே நின்று கொண்டிருந்த நண்பர் வால்பையனிடம் என்னப்பா ஒரு போன் பண்ணி கூட சொல்லலை? என்று நான் கேட்க அதுக்கு வால்பையன் எனக்கும் யாரும் சொல்லலை நேர வந்தாங்க, என்னை காரிலே அள்ளி போட்டுக்கிட்டு வந்துட்டாங்க. அப்படியே லவ்டேல் மேடியை வர்ற வழியிலே காரிலே ஏத்திகிட்டு வந்திட்டோம். இங்கே வந்து பார்த்தா கிரிக்கெட் ஆடனும்னு சொல்றாங்க. அதெல்லாம் ரெண்டு வருஷம் முன்னாடியே நிறுத்திட்டேன். பழக்கம் விட்டு போச்சுன்னு சொன்னாலும் கேக்கலை. சரி பார்க்கலாம்னு வந்துட்டோம், வந்தா இங்கே எல்லாருமே நம்ப நண்பர்கள்தான் இருக்காங்க. விவரம் கேட்க்க கூட நேரம் இல்லே. சரி விளையாடி முடிச்ச உடனே வெவரம் கேட்டுக்கலாம்னு நின்னுகிட்டு இருக்கேன். ஆமா நீங்க இங்கே எங்க? அட நான் கிரிக்கெட் பாக்க வந்தேன். இங்கே வேறே என்னா பாக்க முடியும்? சினிமாவா பார்க்க முடியும்? கேள்வி எல்லாம் சரியாதான் இருக்கு, நான் கேட்ட கேள்விக்குதான் இன்னும் யாருகிட்டே இருந்தும் பதில் வரலை.

இதன் நடுவே நம்ப நசரேயன் எங்களை கடந்து செல்கிறார். நசரேயன் நீங்க எப்போ வந்தீங்க?

ரம்யா! வணக்கம் நல்லா இருக்கீங்களா? டிக்கெட் அனுப்பி உடனே கிளம்பி வாங்கன்னு சொன்னாங்க, நான்தான் கிரிக்கெட் நல்லா விளையாடுவேன் இல்லையா! அதான் உடனே வந்துட்டேன்.

இங்கே பாருங்க யாரு என்னா விளையாடனம்னு இனிமேல் தான் யோசிச்சி ஒரு முடிவுக்கு வரணும். நீங்க நல்ல கேள்வியா கேட்டிருக்கீங்க. ஆனா பாருங்க பதில் சொல்ல நேரம் இல்லே.

என்னா! இனிமேல் தான் யோசிக்கப் போறீங்களா? அடபாவிங்களா? நான் காசு கொடுத்து டிக்கெட் வாங்கி இருக்கேன்.

ரம்யா! இங்கே பாருங்க எல்லாருமே காசு கொடுத்துதான் டிக்கெட் வாங்கி இருக்காங்க. ரந்து பண்ணாமே அங்கே போய் உக்காருங்க. வாங்க குடுகுடுப்பை போலாம். ரம்யா கிட்டே அப்புறமா விவரம் பேசலாம். அவங்க கோவிச்சுக்க மாட்டாங்க.

அட குடுகுடுப்பையாரே! நீங்க எப்போ வந்தீங்க? எல்லாரும் வந்திருக்கீங்க ஆனா யாரும் என் கிட்டே சொல்லவே இல்லே?

நசரேயனுக்கும் எனக்கு சேர்த்துத்தான் டிக்கெட் போட்டு அனுப்பினாங்க. அதான் அவசரமா ஓடி வந்துட்டோம். இது ஒரு நல்ல சான்ஸ் இல்லையா? அதான் உங்ககிட்டே சொல்ல நேரம் இல்லே. தப்பா நினைச்சுக்காதீங்க ரம்யா. நசரேயன் வரச்சொல்லி அவசரப் படுத்தராறு. நம்ப எல்லாருமா அப்புறமா பேசுவோம். நீங்க உங்க இடத்துக்கு போங்க. நான் போறேன்

அப்படியா? இருங்க எனக்கும் ஒரு நேரம் வரும் அப்போ உங்களை எல்லாம் நல்லா கவனிச்சுக்கறேன்

இடையே அணிமா நீங்களுமா? ஆமாம் ரம்யா எனக்கும் டிக்கெட் அனுப்பினாங்க அதான் நானும் உடனே கிளம்பி வந்துட்டேன். எனக்கு ஆடத் தெரியும்னு ஒரு முறை ராகவன் அண்ணா கிட்டே சொல்லி இருந்தேன். அண்ணா கச்சிதாமா போட்டு கொடுத்திட்டாரு. திடீர்னு ஏற்பட்ட மாற்றம் விரிவான வெவரம் இனிமேதான் தெரியும்.

அப்படியா இருங்க அதுக்கு முன்னாடி நானே விசாரிக்கிறேன். திரும்பினால் ஜமால் அட என்னாப்பா நீங்களுமா??

என்ன ரம்யா? நீ இங்கே என்ன பண்றேப்பா? ஆட்டம் ஆரம்பமாகப் போகுது. இடத்திலே போய் உக்காருப்பா, நான் ஆட்டம் முடிந்தவுடனே பேசறேன். ஆமா அக்கா எங்கே? சுரே எங்கே? தனியாவா வந்தே?

அக்கா எல்லாம் வரலை நான்தான் என்னோட பிரண்ட்ஸ் கூட வந்தேன்.

போ போய் மொதல்லே உன்னோட இடத்திலே உக்காரு, ஏற்கனவே இங்கே ஒரே குழப்பமா இருக்கு நீ வேறே நடுவிலே குழப்பாதே.

நான் என்னாப்பா குழப்பறேன்? நீங்க எல்லாரும்தான் ப்லாக் எழுதறதை வீட்டு இங்கே வந்து குழப்பறீங்க? நாங்க எவ்வளவு காசு போட்டு டிக்கெட் வாங்கினோம் தெரியுமா?? கடைசிய்லே பார்த்தா எனக்கு இதுவரை ஒண்ணுமே புரியலை?

ஹேய், நான் அப்புறமா எல்லா விவரமும் சொல்றேன் இப்போ போய் உக்காருப்பா!

குறுக்கே நம்ப சகோதரர் முரு ரம்யா அக்கா சீக்கிரம் போங்க! அங்கே பாருங்க எங்க கேப்டன் வராரு.

யாரு உங்க கேப்டன்?

டோணி என்ன உங்களுக்கு கேப்டனைத் தெரியாதா?

ஐயோ அவருதான் கேப்டன்ன்னு தெரியும் ஆனா நீங்க எல்லாம் இருக்கீங்களே அதான் எனக்கு ஒண்ணுமே புரியலை?

அவரு ஏற்கனவே ரொம்ப கோபத்திலே இருக்காரு. நீங்க வேறே யாரு சொல்லியும் கேக்காம மைதானத்துலே வந்து நிக்கிறீங்க! அக்கா நான் அப்புறமா எல்லா வெவரமும் சொல்றேன்.

என்னாப்பா எல்லாரும் ஒரே மாதிரி பேசறீங்க? எனக்கு மொதல்லே பதில் சொல்லியாகனும் இப்போ! நீங்க எல்லாம் ஏன் இங்கே வந்தீங்க ? இதுக்கு பதில் சொல்லிடுங்க நான் போய்டறேன்.

ஐயோ அக்கா அதெல்லாம் பேச நேரம் இல்லை. அடுத்த அணியும் வந்திடுச்சு, நீங்க கிளம்புங்க என்றார் முரு

(லவ்டேல் மேடி உள்ளே என்ட்ரி ஆகிக் கொண்டிருக்கும்போது ... திடீரெண்டு ஒருவன் அருகில் வந்து.......) சார் .... வெறும் 499 ரூவாய் மட்டுமே.....!!!

(அவனை உத்து பார்த்துவிட்டு) அடேய்..... நீயா.....??? அடங்கொன்னியா.....!!!! அந்த டண்டணக்கா டி.வி யோட டிஷ் ஆண்டனா விளம்பரத்துக்கு வர்ற போண்டா வாயன்தான நீயி......!!!!

என்னது ...?? என்னோடது வெறும் 500 சேனல்......

அடங்கொ.......!! அடேய் ஹிப்போபோடமஸ் மண்டையா.. அப்புடியே அல்லகட்டி ஒதச்சனா...... காரமடைக்கு அந்தபக்கமா போய் குப்பற உளுந்துருவ பாத்துக்க........ (போண்டா வயன் தலை தெறிக்க ஓடுதல்..) ( பேசிக்கொண்டே திரும்புகையில் தீடீரெண்டு ரம்யா அக்காவை வழியில் காண்கிறார் மேடி) .

அட சாமீ ...... ரம்மியா அக்கோவ்.....!!!! நீங்ளா.....?? யென்ட்ர கண்ண யென்ட்ரனாலயே நம்ப முடியில.....!! நெசந்தானா......??? தேனுங் ரம்யாக்கோவ் வெளையாண்டுபோட்டு போவலாமின்னு வந்தீங்களா......???

அந்த ட்ரவுசர் மண்டையனுங்க எங்களையத்தா கூட்டீட்டு வந்தானுங்கன்னு பாத்தா.... உங்களையுமும் வெளையாடறதுக்கு கூட்டீட்டு வந்துருக்கானுங்க ........??

அட லவ்டேல் மேடி , நீங்க எல்லாம் எப்படி வந்தீங்கன்னு கேக்கறேன் யாரும் பதில் சொல்ல மாட்டேங்கிறாங்க. நீங்களாவது சொல்லுங்களேன்.

அக்கோவ்... நாங் நெம்ப பிசி...... !! டயத்த வேஸ்ட்டு பண்ணாதீங்கோ.... உங்குளுக்கு என்ன வேனுமுங்.......???

என்னது .... பிஸ்......பிஸ்ஸா.....??

ம்ம்க்கும்........ இதுல இது வேறையா.....!! பிசிங்கோவ்....... பிசி......!!

(முனுமுனுத்தல் : வெடி போட்டாகோடா கேக்காதாட்டிருக்குது......) ரம்யாக்கோவ் இப்புடி காத கொஞ்சம் கிட்ட கொண்டாங்....!!

அந்த கொடுமைய ஏனுங்கா கேக்குரீங்கோ....... !! வந்தவிங்கல்ல ஒரு ஆளைத் தவற ... எல்லாருக்குமும் கொரங்கு காசசாலும், கொசு இருமலும் வந்திருசுங்கோவ்....!!!!! அப்பறம் தலைவருங்கோ நெம்ப யோசிச்சுபாத்போட்டு..... , நம்ப ப்லாக்குதேன் நெம்ப பேமசாச்சே ......!!

ஒரு சலக்கா ... எங்கப்புச்சி தென்னந் தோப்புல இருந்து தென்ன மட்டைய பொறுக்க சொன்னத பதிவா போட்ருந்தேனுங்.....!! அத இந்த பெட்ரமாஸ் தளயனுன்க தப்பா படுச்சுபோட்டு ... நானேதோ நெம்ப பெரிய பேட்ஸ்மேன் ன்னு, நெனச்சுபோட்டு ... இங்க வெலையாட்ரதுக்கு இழுத்துகிட்டு வந்துட்டானுங்க.....!!!

எனக்கு ஒண்ணும் தெரியாது பாருங்....!! அப்பத்தேன் நம்ப வடக்பட்டி ராமசாமி சொன்னே, பக்கத்துல சும்மிங் பூல்ல நயந்தாராவோட "பில்லா" பார்ட்- 2 பட சூட்டிங்கின்னு...... அப்புடியே மட்டைய தூக்கிகிட்டு ஓடியாந்திட்டேனுங் .....!!!

ஐயோ எல்லாருக்குமே உடம்பு சரி இல்லையா? அட பாவமே! அப்போ இந்திய அணியிலே நான் யாரையும் பார்க்க முடியாதா? நான் வந்ததே அவங்களை எல்லாம் பார்க்கத்தானே? அட கொடுமையே?

அட தென்னுக்கா இப்புடி கேட்டுபோட்டீங்கோ.......??? அட நான்குளுமும் நம்ப இந்தியா டீமுக்குத்தேன் ஆட போரமுங்..... !!

உங்குளுக்கு நெம்ப டவுட்டா இருந்தா..... அங்க வடக்கோட்டுல பாருங்......., நம்ப மூலையூட்டுகார் பொண்டாட்டி அருக்கானிக்கா கோந்துட்டு இருக்குது ........ நீங்குளுமும் போய் சித்த அப்புடி கோந்துகிட்டு நாங்க எப்புடி வெலையாடுரோமின்னு பாருங்....!!!!!

சரி லவ்டேல் மேடி நான் என்னோட இடத்துக்கு போறேன். மேட்ச் முடியற வரைக்கும் இருக்கிறேன். லவ்டேல் மேடி எல்லார் கிட்டேயும் சொல்லுங்க. யாரும் என்னைய மறந்திடக் கூடாது சரியா.

அது சரி வர்ற வழியிலே வால்பையனோட உங்களையும் அள்ளிகிட்டு வந்ததா சொன்னாங்க. நீங்க ஷூட்டிங்க்ன்னு டூப் விடறீங்க...

ஹி ஹி ஹி நிசமாளுந்தான் சொல்றேங்க்கா... நீங்க வேணா நம்ப வடக்பட்டி ராமசாமிகிட்டே கேட்டு பாருங்கங்கோவ்....

எக்கா யாரோ கூப்பிடுதாக, யாரு தொ வரீனுங்க...

தொடரும்
ரம்யா........